სიახლეები

საბა ბუაძე
10 / 100

საბა ბუაძე

იურისტი, საჯარო მმართველობის სპეციალისტი, კორუფციის წინააღმდეგ მებრძოლი. გრონინგენის უნივერსიტეტის კურსდამთავრებული. მუშაობდა იურიდიულ კომპანიაში ნიუ-იორკში; სხვადასხვა დროს ხელმძღვანელობდა სამოქალაქო ორგანიზაციების ანტიკორუფციულ პროგრამებს.

მიმართვა

მინდა მოგმართოთ ყველას, ვისაც შეგტკივათ გული ჩვენი ქვეყნის მდგომარეობაზე, ვისაც ჯერ კიდევ არ დაგიკარგავთ უკეთესი ხვალინდელი დღის იმედი.

მე ვარ ახალგაზრდა პოლიტიკოსი და პირველად ვმონაწილეობ არჩევნებში. მჯერა, რომ ჩვენი პრობლემების გადაჭრის გასაღები სწორედ პოლიტიკაში სიახლის შემოტანით არის შესაძლებელი. ამ გადამწყვეტ მომენტში, ჩვენს ქვეყანას სჭირდება ახალი პოლიტიკოსები, ახალი ხედვებით, ახალი ენერგიით და ახალი შემართებით. ზუსტად ამიტომ, თავისუფალ საქართველოში დაბადებული თაობის სახელით, მზად ვარ, ჩავდგე ჩვენი ქვეყნის და თითოეული თქვენგანის სამსახურში. „ლელოსთან“ ერთად მზად ვარ, ჩავება ამ რთულ ბრძოლაში და თქვენი დახმარებით შევეჭიდო  სიღარიბეს და უსამართლობას, რომელმაც ასე მყარად მოიკიდა ფეხი ჩვენს ქვეყანაში.

საზღვარგარეთ გატარებულმა წლებმა დამარწმუნა იმაში, რომ ჩვენ მარტივად შეგვიძლია გავხდეთ ბედნიერი ადამიანების ქვეყანა.  ამისათვის სახელმწიფომ სულ რამდენიმე მნიშვნელოვანი წინაპირობა უნდა შექმნას – ხარისხიანი ჯანდაცვის სისტემა, თანამედროვე და ევროპული განათლება, ღირსეული სამუშაო ადგილები და სამართლიანი სასამართლო.

პოლიტიკური საქმიანობა

რას ვაკეთებ ლელოში?

გარდა იმისა, რომ ვარ ლელოს ერთ-ერთი თანადამფუძნებელი და პოლიტიკური საბჭოს წევრი, ამ დრომდე ვხელმძღვანელობდი ახალგაზრდულ საქმეთა სამსახურს, სადაც ვმუშაობდით ლელოში ახალგაზრდების გაძლიერებაზე და მათი პრობლემების გადაჭრის გზების დასახვაზე. როგორც დამფუძნებელი წევრი, ჩართული ვიყავი ლელოს პარტიული სტრუქტურის მშენებლობაში და დღეს სიამაყით შემიძლია ვთქვა, რომ ლელო არის ერთ-ერთი საუკეთესოდ ორგანიზებული პარტია.

გარდა იმისა, რომ ვმუშაობ კორუფციის საკითხებზე, ჩართული ვარ ჯანდაცვის და განათლების მიმართულებებში, სადაც ამ სფეროს პროფესიონალებთან ერთად შევიმუშავეთ ლელოს პროგრამული ხედვები. მიმაჩნია, რომ ჯანმრთელი და განათლებული ადამიანი არის ძლიერი სახელმწიფოს ფუნდამენტი და სწორედ ამიტომ გვმართებს განსაკუთებული ყურადღება ამ სფეროების მიმართ.

დღეს ჩვენი ერთ-ერთი მთავარი მიზანია, რომ პოლიტიკის მიმართ გავაჩინოთ საზოგადოების ნდობა და შემოვიტანოთ ახალი სტანდარტი, რომელიც გულისხმობს ცივილიზებულ და საქმიან ოპონირებას.