აქტიური, ენერგიული, მებრძოლი ადამიანი. სხვადასხვა წარმატებული პროექტის შემქმნელი და ხელმძღვანელი, მათ შორის სახალხო მოძრაობის “იყავი აქტიური საქართველოში” დამფუძნებელი. საამაყო წინაპრების ღირსეული შთამომავალი. პაატა იქნება ქობულეთის მუნიციპალიტეტში მცხოვრები თითოეული ადამიანის და ყველა ოჯახის ინტერესების დამცველი საქართველოს პარლამენტში.
ჩემთვის დიდი პატივია, ვიყო თქვენი მაჟორიტარი დეპუტატობის კანდიდატი.
ქობულეთი ჩემი გულია, ჩემი მაჯისცემა. ჩემი წინაპრების სულის ძგერა. ეს ჩემთვის დიდი პასუხისმგებლობა და ვალდებულებაა. ვპირდები ქობულეთის მუნიციპალიტეტში მცხოვრებ თითოეულ ადამიანს, რომ მათი პაატა ცივაძე 24 საათი, 7 დღე კვირაში, 365 დღე წელიწადში მათთან ერთად ძალ-ღონეს არ დაიშურებს იმისთვის, რომ ჩვენი კუთხე, ჩვენი მარგალიტი გაბრწყინდეს.
ვინც მე მიცნობს, იცის ჩემი ენერგიის და შემართების შესახებ, ვინც ჯერ კიდევ არ მიცნობს, თავად შეიგრძნობს, თუ როგორ ერთგულ მეგობარს შეიძენს მალე.
ჩვენ ერთად დგომით დავდებთ ლელოს ქობულეთის, აჭარის, საქართველოს გაძლიერებისთვის და ბედნიერი მომავლისთვის!
მე, როგორც მაჟორიტარი დეპუტატი, გავხდები ქობულეთის ძლიერი ხმა საქართველოს პარლამენტში და ყველგან – საპარლამენტო ფორმატში, ეროვნულ დონეზე, თუ საერთაშორისო ასპარეზზე. ვიქნები ჩემი ქალაქის და აქ მცხოვრები თითოეული მოქალაქის მხარდამჭერი ნებისმიერი პირადი საქმის მოგვარების პროცესში.
მთელი ჩემი შეგნებული ცხოვრება ვარ პოლიტიკურად აქტიური მოქალაქე. ჩემთვის კატეგორიულად მიუღებელია ბელადომანია. “ლელო საქართველოსთვის” არის ის გუნდი, სადაც გაერთიანებული არიან სხვადასხვა სფეროში წარმატებული პროფესიონალები. ჩემთვის დღეს პროფესიონალიზმი და საქმის კეთების საფუძვლიანი ცოდნა ნიშნავს სამშობლოს სიყვარულს და პატრიოტიზმს. ამან განაპირობა ჩემი ლელოში გაწევრიანება და ღრმად ვარ დარწმუნებული, რომ ჩვენ შევძლებთ დიდი წარმატება მოვუტანოთ ჩვენს ქვეყანას!