სიახლეები

ლევან კობერიძე
7 / 100

ლევან კობერიძე

საქართველოს პარლამენტის მე-9 მოწვევის დეპუტატი, ჯანდაცვისა და ეკონომიკისა კომიტეტების წევრი, ფრაქცია დამოუკიდებელი დეპუტატების თავმჯდომარის მოადგილე. პროფესიით არის ექიმი მეან-გინეკოლოგი. არის კლუბ რა ? სად? როდის? თანადამფუძნებელი. დაამთავრა სტოკჰოლმის ეკონომიკის სკოლა და აქვს MBA ხარისხი General Management ში. დააფუძნა საქართველოში პირველი ბრენდინგ კომპანია branding.ge. არის ლექტორი, თავისუფალ და კავკასიის უნივერსიტეტებში ბრენდინგისა და სტრატეგიული მარკეტინგის მიმართულებებში.

მიმართვა

პასუხისმგებლობის გრძნობა ალბათ არის პატრიოტიზმის ერთ-ერთი უდიდესი გამოვლინება ქვეყნის, ხალხის, ოჯახის და შვილების წინაშე. როგორც ვაკის ოლქის მაჟორიტარი, პასუხისმგებლობას ამ ოლქის ერთ-ერთი რიგითი ამომრჩევლის, ჩემი ერთადერთი შვილის და მისი თაობის წინაშე ვიღებ, მათ ვინც პირველად მიიღებს 2020 წელს არჩევნებში მონაწილეობას. ვპირდები, რომ ძალ-ღონეს არ დავიშურებ იცხოვრონ ისეთ ქვეყანაში, როგორზეც მათი წინაპრები ოცნებობდნენ- თავისუფალ, სამართლიან, ტოლერანტულ ქვეყანაში, სადაც არ იქნება შიში და უიმედობა. ვპირდები, რომ ძალ-ღონეს არ დავიშურებ, რომ მას და მის თაობას ყოველთვის შეეძლოთ უშიშრად, ხმამაღლა თქვან თავის სათქმელი, აკეთონ თავისი წილი საკეთებელი საქმე და სჯეროდეთ, რომ მათ უკან სამართლიანი ქვეყანა და  ლაღი ხალხი დგას. ვპირდები, რომ ძალ-ღონეს არ დავიშურებ, რათა მისი ბებიების და ბაბუების თაობას მშვიდი სიბერე ჰქონდეთ- მომავალ თაობაზე გულდამშვიდებული ცხოვრება, მისი მშობლების თაობის შრომა კი დაფასებული იყოს. ყოველთვის გავიმეორებ, რომ სამართლიან ბრძოლას მუდამ აქვს აზრი,  ადამიანის მთავარი თვისება ღირსებაა, მთავარი საფიქრალი კი სამშობლო.

პოლიტიკური საქმიანობა

მეგობრებო, პოლიტიკაში ჩემი ყოფნის დრო სულ რაღაც ოთხ წელს ითვლის. პოლიტიკური ცხოვრებისთვის ეს ძალიან ცოტაა, მაგრამ სავსებით საკმარისია მიზნების ჩამოსაყალიბებლად, პრინციპების გასათავისებლად, ქმედების გასაანალიზებლად და ღირებულებების განსამტკიცებლად. რა გავაკეთე? ამ კითხვას ხშირად ვუსმევ საკუთარ თავს, მაგრამ უფრო ხშირად ვპოულობ პასუხზე კითხვაზე- რა  არ  გავაკეთე. არ წავედი ჩემი პრინციპების წინააღმდეგ, არასდროს დამიყენებია ადამიანური ურთიერთობები ჭეშმარიტებაზე მაღლა, არასდროს მითქვამს უარი სიმართლის თქმასა და ტირაჟირებაზე, არ შევუშინებივარ ბრძოლას, როდესაც იგი სიკეთეს ემსახურებოდა. ეს რთული გზა იყო, მაგრამ როდესაც უკან ვიხედები, არცერთ ეტაპზე არ მაქვს იმის განცდა, რომ რომელიმე საკითხს, რომელზეც ვმუშაობდი, დავაკელი ძალისხმევა- სიტყვა თუ საქმე.