სიახლეები

გრიგოლ გეგელია
10 / 100

გრიგოლ გეგელია

პოლიტიკური თეორიის დოქტორის ხარისხი მიენიჭა ევროკავშირის მიერ დაფუძნებულ ევროპის უნივერსიტეტის ინსტიტუტში, ფლორენციაში (EUI). იდეების ისტორიის მაგისტრის წოდება – ლონდონის უნივერსიტეტში. ისტორიის ბაკალავრიატი დაამთავრა ბრისტოლის უნივერსიტეტში, ინგლისში. აკადემიური მოხსენებით გამოსულა გაერთიანებულ სამეფოში, აშშ-ში, საფრანგეთში, იტალიაში, ჩეხეთსა და გერმანიაში. კითხულობს ლექციებს სხვადასხვა უნივერსიტეტში. წლების განმავლობაში იბრძოდა შრომის უფლებებისთვის, სოციალური საკითხების მოგვარებისთვის, მწვანე პოლიტიკისთვის.

მიმართვა

„ჩემო ძვირფასო რუსთაველებო, ჩემთვის უდიდესი პატივია, ვიბრძოდე თქვენთან ერთად ჩვენი საერთო გამარჯვებისთვის. როდესაც კოლეგებმა მკითხეს, სად ვისურვებდი კენჭისყრას, პირდაპირ ვთქვი – „რუსთავი!“, რადგან ეს არის ოლქი, რომელსაც საუკეთესოდ ესმის იმ საკითხების მნიშვნელობა, რომელთა დასაცავად მთელი ცხოვრება ვიბრძვი. მრავალი წელი ვცხოვრობდი და ვსწავლობდი უცხოეთში – ბრიტანეთსა და იტალიაში. მაგრამ დავუბრუნდი ჩემს სამშობლოს, რათა მცირე წვლილი შემეტანა მის მომავალში. საჯარო ცხოვრების წლების განმავლობაში, ურყევი რწმენით და უცვლელი სიმტკიცით ვიცავ ჩემს იდეალებს: უსაფრთხო შრომა და ღირსეული

ანაზღაურება, ბავშვთა შიმშილის აღმოფხვრა, სუფთა ეკოლოგიური გარემო, დასაქმება და ადამიანის სოციალურ განვითარებაზე მომართული პოლიტიკა. რუსთავი სწორედ ის ოლქია, რომელსაც მთელს ქვეყანაში ყველაზე უკეთ ესმის ამ პოლიტიკური საკითხების მნიშვნელობა. ამიტომ, დღეს ამ ქალაქში ვიბრძვი და გავაგრძელებ ბრძოლას ჩვენი თანამოქალაქეების კეთილდღეობისთვის, როგორც რუსთავში, ასევე მთელ ქვეყანაში. გიწვევთ თანამებრძოლებად დიდ და პრინციპულ ბრძოლაში განახლებისთვის

და მომავლისთვის!

პოლიტიკური საქმიანობა

საზოგადოებრივი აქტიურობა მრავალი წლის წინ წამოვიწყე, პირველად, როგორც დამოუკიდებელმა პოლიტიკურმა კომენტატორმა, ლექტორმა და აქტივისტმა. წლების განმავლობაში მხარს ვუჭერდი ორპარტიულობის დასრულებას, ქართული პოლიტიკის შინაარსობრივ განახლებას და ადამიანის განვითარებაზე მომართულ პოლიტიკას.

ამ მნიშვნელოვან პროცესებში ჩემი მცირე წვლილის შეტანის მიზნით, გასულ წელს კენჭი ვიყარე მთაწმინდის შუალედურ არჩევნებზე, როგორც

დამოუკიდებელმა კანდიდატმა. ეს იყო იდეალისტური ბრძოლა

ორპარტიულობისა და უსახური პოლიტიკის წინააღმდეგ, მწირი რესურსითა და შიშველი ხელებით. მაგრამ ბედნიერი ვარ, რომ ეს მომენტი შედგა. ჩემი პრინციპული ბრძოლის დასაწყისი „ლელოში“ გაგრძელდა. მთაწმინდის კამპანიისას შემოვიტანე პოლიტიკურ დღის წესრიგში ბავშვთა შიმშილის აღმოფხვრის საკითხი, ქალთა და კაცთა შორის არსებული ანაზღაურების უთანასწორობის საკითხი, დაბინძურებული ჰაერის პრობლემატიკა და მრავალი სხვა თემა,

რომელსაც სამწუხაროდ, არავითარი ყურადღება არ ექცეოდა. დღეს ეს საკითხები „ლელოს“ პლატფორმის მნიშვნელოვანი ხაზებს წარმოადგენს.

დღეს მე ვაგრძელებ ბრძოლას განახლებისთვის, მომავლისთვის, სწორი

პრინციპების დამკვიდრებისთვის ქართულ პოლიტიკაში. ეს არის ჩვენი საერთო ბრძოლა მომავლისთვის!