სიახლეები

გიგლა მიქაუტაძე
10 / 100

გიგლა მიქაუტაძე

ეკონომისტი. განათლება მიიღო გერმანიაში. სტაჟირება გაიარა გერმანიის პარლამენტში. სოფლის მეურნეობის სამინისტროში კურირებდა უცხოურ ინვესტიციებს, ხოლო შემდგომ იყო გერმანული სავაჭრო კომპანიის წარმომადგენელი სამხრეთ კავკასიაში და ეკონომიკის საერთაშორისო სკოლის (ISET) მკვლევარი. არის გადასახადის გადამხდელთა კავშირის აღმასრულებელი დირექტორი და კითხულობს ლექციებს აგრარული უნივერსიტეტის ბიზნეს-ფაკულტეტზე.

მიმართვა

ჩემთვის დიდი პატივია, ვიყო „ლელოს“ მაჟორიტარი დეპუტატობის კანდიდატი გლდანის რაიონში. ეს არის მშრომელი, პატიოსანი და პატრიოტი ხალხის უბანი. მეც ასეთი ოჯახიდან ვარ და კარგად ვიცი, რა აწუხებს თითოეულ თქვენგანს.

ჩვენ გვაჯერებენ, რომ ვართ ღარიბი ქვეყანა და ამაზე მეტი არ შეგვიძლია. მათ უნდათ მონების საზოგადოება, რათა თავად კომფორტულად ძარცვონ ჩვენი ქვეყანა. მე არ ვაპირებ ამასთან შეგუებას, რადგან ვიცი, რომ ქართველებს მეტი შეგვიძლია. არ ვაპირებ, გულხელდაკრეფილი ვუყურო ჩემი ხალხის გაჭირვებას, რადგან მეც ამ ხალხის ნაწილი ვარ. ვაპირებ ბრძოლას უკეთესი საქართველოსთვის და ამაში გთხოვთ მხარდაჭერას.

მე, „ლელოს“გუნდთან ერთად, ვიშრომებ თავდაუზოგავად გლდანისა და მთლიანად ჩვენი ქვეყნის განვითარებისთვის. ჩვენ შევქმნით 200.000 ახალ სამუშაო ადგილს ღირსეული ანაზღაურებით. გჯეროდეთ, ჩვენ შეგვიძლია, ვიცხოვროთ უკეთეს ქვეყანაში.

შემომიერთდით, ერთად მოვიპოვოთ გამარჯვება!

პოლიტიკური საქმიანობა

პოლიტიკაში ჩართვის გადაწყვეტილება მივიღე შარშან, 20 ივნისის აქციაზე

დგომისას, რადგან დავინახე, რომ სამშობლოს ვკარგავთ. ახლანდელი პოლიტიკოსები ვეღარ გვთავაზობენ სიახლეს. მათ მხოლოდ ერთი რამ აინტერესებთ – ძალაუფლების შენარჩუნება ან ძალაუფლების წართმევა, მაგრამ მხოლოდ თავისთვის და არა ხალხისთვის. მათ არ აქვთ არც გეგმა და არც მიზნები. ჩვენ ძალიან მოკლე პერიოდში შეგვიძლია, ლიდერი ქვეყანა გავხდეთ არაერთი მიმართულებით. ჩვენ შეგვიძლია, ვიცხოვროთ ისე, რომ ქვეყანაში არ შიმშილობდნენ ბავშვები, სამუშაო ადგილი იყოს ყველასთვის, ხოლო ხელფასი – შრომის შესაბამისი. ჩვენ შეგვიძლია, გვქონდეს ხარისხიანი ჯანდაცვა და ღირსეული პენსია. მაგრამ ამას სჭირდება სახელმწიფოებრივი ხედვა და პროფესიონალი ხალხი ქვეყნის სათავეში. სწორედ ასეთი გუნდია დღეს „ლელოში“ და ასეთია მისი ლიდერი. „ლელოში“ მოვედი რიგით წევრად, სადაც მოგვიანებით ამირჩიეს პარტიის სარევიზიო კომისიის თავმჯდომარედ. პარტიაში ვმუშაობ ეკონომიკურ და სოციალურ საკითხებზე.